 |
| RPC Iringa Julius Mjengi |
ZIKIWA zimepita siku moja toka aliyekuwa mwenyekiti wa chama
cha mapinduzi (CCM) aliyefukuzwa uanachama na chama
hicho Dkt Jesca
Msambatavangu kushikiliwa na jeshi la
polisi kwa tuhuma za kuratibu tukio la kumfanyia vitendo vya kinyama
mwanamke mmoja mkazi
wa Kibwabwa katika Manispaa ya
Iringa ,jeshi la polisi limesema linaendelea kumshikilia kwa upelelezi
wa tukio hilo.
Kamanda wa polisi
mkoa wa Iringa Julius Mjengi
amezungumza na mtandao wa matukiodaimaBlog kuwa Msambatavangu atafikishwa
mahakamani kujibu tuhuma zake pindi
upelelezi wa shauri hilo kukamilika .
Alisema kuwa bado
jeshi lake linaendelea kuwasaka watuhumiwa wenzake
watatu walioshikili katika
tukio hilo la kumfanyia vitendo vya
kikatili mwanamke huyo ikiwa
ni pamoja na kumchoma sindano
inayosadikika kuwa na sumu .
Hata hivyo alisema
tayari wanayomajina ya watuhumiwa hao watatu
waliotajwa kuhusika na tukio
hilo na msako unaendelea ili kuwakamata .
Aidha alisema kuwa mwanamke huyo
yupo katika mazingira salama na hawezi kupata madhara yoyote kwani
jeshi lipo kwa ajili ya ulinzi wa raia na mali zake huku akidai
kuwa sababu za kiusalama vimepelekea kutotaja majina ya wanaotafuta
na jina hali la mwanamke huyo kwa usalama wake .
Imeelezwa kuwa
chanzo
cha mwanamke huyo kufanyiwa vitendo hivyo
vya ukatili ni kutokana
visa vya kisiasa kati ya aliyekuwa mwenyekiti wa CCM mkoa na
mwanamke huyo ambae alionyesha kufurahia hatua ya mwenyekiti huyo
na wenzake wasaliti ndani ya CCM kufukuzwa chama.
Kwani mwanamke huyo
ambae pia ni kada wa CCM imeelezwa
hata wakati wa mchakato wa
kura za maoni ndani ya CCM kwa
ajili ya kumpata mgombea ubunge
wa CCM jimbo la Iringa mjini nafasi ambayo iliombwa na wanachama
zaidi ya 6 akiwemo Dkt
Msambatavangu hakuwa upande wake .
Dkt Msambatavangu
ambae baada ya kufukuzwa chama
amekuwa akisimamia shughuli
zake mbali mbali zikiwemo za
Kilimo ,shule zake,duka la
kubadili pesa na shughuli za dini
kukamatwa kwake kumepokelewa
kwa hisia tofauti mkoani Iringa na katika mitandao ya
kijamii kwa watu kuwa na maoni tofauti
juu ya suala hilo.
SHARE
No comments:
Post a Comment