TDL yaunga mkono upigwaji marufuku vifungashio vya Plastiki

 

Kaimu Meneja Mkuu wa TDL,Devis Deogratius,akiongea na waandishi wa habari,(katikati )ni Afisa Mwandamizi wa Masoko wa kampuni hiyo,George Kavishe

Mfano wa mwonekano wa vifungashio vipya vya vinywaji vya konyagi vitakavyokuwa

………………………………………………………………………………………….

-Kuomba kibali cha kuondoa bidhaa zake zenye vifungashio vya mifuko ya Plastiki zilizopo kwenye masoko

 

Tanzania Distilleries Limited (TDL),kampuni tanzu ya  TBL  Group imeunga mkono jitihada za serikali kupiga marufuku ufungaji wa pombe kwa kutumia mifuko ya plastiki nchini.

 

Kaimu Meneja Mkuu wa kampuni hiyo,Devis Deogratius,amesema kampuni yake itaendelea kuunga mkono jitihada za serikali kupambana na matumizi ya vifungashio vya mifuko ya plastiki na tayari iko katika mchakato wa kuacha  kuvitumia kufungia bidhaa zake badala yake itatumia vifungashio vya kisasa vilivyotengenezwa  kwa malighafi ya kioo.

 

“Tunajipanga kuhakikisha bidhaa zetu zote ambazo zinapatikana sokoni zikiwa zimefungwa kwenye mifuko ya Plastiki kuhakikisha sasa zinapatikana katika vifungashio vya kioo”.Alisema.

 

Kuhusiana na suala la vijana wadogo kununua na kutumia bidhaa zenye kilevi zinazopatikana kwa urahisi na kwa gharama nafuu,Deogratius,amesema kuwa TDL itasimamisha kuzalisha pombe kwenye kifungashio chenye ujazo wa 50ml badala yake itaingiza kinywaji kitakachouzwa  kwa shilingi  500.

 

Aliongeza kuwa kuna haja ya wadau mbalimbali nchini kushirikiana kuhakikisha sheria ya kununua na kutumia vinywaji vyenye kilevi kwa watoto wadogo chini ya umri wa miaka 18 inatekelezwa  “Ili sheria hii ifanye kazi wadau wote tunapaswa kushirikiana na mamlaka zinazohusika kuhakikisha kila mtu anayefikisha umri wa miaka 18 anapatiwa kitambulisho cha taifa ambacho mnunuzi wa vinywaji vyenye kilevi  atakayetiliwa mashaka ya umri atapaswa akionyeshe kabla ya kuhudumiwa kwenye  sehemu zinazouzwa vinywaji vyenye kilevi.”Alisema.

 

Deogratius pia alisema kuwa TDL itaomba kibali kutoka mamlaka husika cha kupata muda wa kuondoa bidhaa zake zilizofungwa kwa mifuko ya plastiki zilizopo kwenye masoko ambazo ni Konyagi, Zanzi Cream Liqueur na Valeur Superior Brandy.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post