Rais Erdogan asema mazungumzo ya uwanachama wa EU yataendelea

Rais Recep Tayyip Erdogan (pichani), ameonya kuwa jitihada za Uturuki zinazokabiliwa na changamoto za kujiunga na Umoja wa Ulaya zitaendelea kujadiliwa baada ya kura ya maoni ya wiki ijayo, inayolenga kumuongezea madaraka, hali inayoibua mashaka kuhusu mustakabali wa mpango wa nchi hiyo kupata uwanachama. 

Katika hotuba yake aliyotoa akiwa mjini Izmir, katika pwani ya Aegean, Erdogan alitishia kwa mara nyingine baada ya kura hiyo ya maoni ya Aprili 16 kuidhinisha kuwa sheria kurejeshwa kwa adhabu ya kifo -- kama itapitishwa bungeni -- hatua ambayo itamaliza moja kwa moja jitihada zake za kuwa mwanachama wa Umoja wa Ulaya.

 Alisema Waturuki wanaoishi Ulaya wanaonewa na kudhalilishwa. Jana ilikuwa siku ya mwisho ya upigaji kura kwa Waturuki wanaoishi ng'ambo. Karibu nusu ya wapiga kura milioni tatu waliosajiliwa katika mataifa ya kigeni, wanaishi Ujerumani.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post