Maelfu ya watu waliandamana jana katikati ya mji mkuu wa Hungary,
Budapest kupinga sheria ambayo huenda ikakilazimu chuo kikuu kimoja
kufunga milango yake nchini humo.
Zaidi ya waandamanaji 70,000
walikusanyika nje ya jengo la bunge, wakimtaka Rais Janos Ader kuipinga
sheria hiyo, iliyopitishwa bungeni wiki hii na chama cha siasa mrengo wa
kulia Fidesz cha Waziri Mkuu Viktor Orban.
Baadhi ya waandamanaji
Chuo Kikuu cha Ulaya,
kilichoasisiwa na mfadhili wa Kimarekani George Soros, kwa sasa kina
zaidi ya wanafunzi 1,400 kutoka zaidi ya nchi 100 na kinaendeshwa kwa
mfumo wa kidemokrasia wa "jamii ya wazi", na kwenda kinyume na mipango
ya Waziri Mkuu Orban ya kuwa na taifa linalopinga sera za kiliberali.
Sheria hiyo itakihitaji chuo hicho kubadili jina lake na kufungua tawi
lake Marekani na pia kuwako na makubaliano ya kisheria kuhusu chuo hicho
kati ya Hungary na Marekani.
No comments:
Post a Comment