Viongozi wa chama cha wachimbaji
madini Mkoani Manyara, Marema Tawi la Mirerani Wilayani Simanjiro,
wakizungumza na viongozi wa shirika la Haki Madini juu ya mdahalo wa
kitaifa wa madini unaotarajia kufanyika Mkoani Geita
Mtafiti wa shirika la IIED la
Uingereza, Fitsum Weldegiorgis akizungumza juzi na viongozi wa chama cha
wachimbaji madini mkoa wa Manyara, Marema (kushoto) ni Mkurugenzi wa
shirika la Haki Madini, Amani Mhinda.
Viongozi wa chama cha wanunuzi na
wachuuzi wa madini ya Tanzanite Wilayani Simanjiro Mkoani Manyara,
wakiwa kwenye picha ya pamoja baada ya kuzungumza na viongozi wa shirika
la Haki Madini juu ya mdahalo wa kitaifa wa madini unaotarajia
kufanyika Mkoani Geita.
……………………………………………………………………….
Wachimbaji wadogo wa madini,
wachuuzi na madalali wa madini nchini wanatarajia kufanya mdahalo wa
kitaifa juu ya umuhimu wa sekta ya madini na namna ya kuwanufaisha
zaidi.
Mkurugenzi wa shirika la Haki
Madini Amani Mhinda, akizungumza mji mdogo wa Mirerani na viongozi wa
chama cha wachimbaji madini mkoani Manyara (Marema) alisema mdahalo huo
utafanyika mkoani Geita.
Mhinda alisema lengo la mdahalo
huo ni kuwaleta wadau mbalimbali kwa pamoja ili kuzungumzia changamoto
zinazoikabili sekta hiyo kwa wachimbaji wadogo na kutafakari kitaifa
maono ya wachimbaji.
Alisema wanatarajia kufanya
mdahalo huo mwishoni mwa mwezi Juni kwa kushirikiana na shirika kiongozi
duniani la maendeleo la International Institute for Environment and
Development (IIED).
“Haki madini tunarajia mpango huu
utatoa jukwa hitajika kwa wadau kushirikiana na kubadilishana ujuzi na
kukuza utawala bora kuwa sauti kubwa, usalama na utengenezaji,” alisema
Mhinda.
Alisema uchimbaji mdogo wa madini
unaweza kutoa mchango chanya wenye umoja na usawa wa maendeleo endelevu
na ukuaji wa uchumi, kwani husaidia mamilioni ya watu hasa wanawake na
watoto.
Katibu wa Marema Tawi la
Mirerani, Abubakari Madiwa alisema kupitia mdahalo huo wanatarajia
wachimbaji mdogo kunufaika kwa kujengewa uwezo hivyo wamejiandaa
kushiriki mara utakapofanyika.
“Haki madini imekuwa msaada
mkubwa kwa wachimbaji madini wadogo kwani tumekuwa pamoja bega kwa bega
kwa kuhakikisha wachimbaji wadogo wanapata haki zao,” alisema Madiwa.
SHARE
No comments:
Post a Comment