MKUU WA WILAYA YA SAME AJIVUNIA UFAULI KIDATO CHA NNE 2017

NA K-VIS BLOG, SAME

MKUU wa wilaya ya Same, Bi. Rosemary Sitaki, amefurahishwa na kupanda kwa ufaulu wa mtihani wa kidato cha nne 2017 ambapo ufaulu huo unaonyesha Wilaya imeshika nafasi ya 21 kutoka nafasi ya 68 kitaifa na kimkoa imeshika nafasi ya nne kutoka nafasi ya 6.

“Pongezi kwa wote walioitikia wito wa kufanya mapinduzi haya, tukianza Na wanafunzi wenyewe, walimu, idara ya elimu, ukaguzi, Halmashauri kwa ujumla wao, CWT, taasisi za dini, NGOs, wazazi Na wote tulioshiriki kwa namna yoyote ile.” Amesema Bi Sitaki wakati alipofanya ziara ya kutembelea baadhi ya shule wilayani kwake.

Amesema, ushirikiano huo umepelekea Wilaya ya Same kuona mapinduzi mazuri yaliyoanzia shule za msingi na sasa Sekondari.

Lakini pia amempongeza Mkuu wa Mmkoa wa Kilimanjaro Mhe. Anna Mngwira na timu yote ya Mkoa kwa kushika nafasi ya kwanza kitaifa kwenye matokeo hayo.

“Kipekee kabisa nitoe pongezi kwa serikali ya awamu ya tano inayoongozwa na Mhe. Dkt. John Pombe Joseph Magufuli,. Rais wa Jamhuri ya Muungano wa Tanzania, kwa kutoa elimu bila malipo, fedha za elimu na motisha inamchango mkubwa Hapo.” alisema

"Nawapongeza wote mlioshiriki na wananchi wote wa Same; Na niwaombe matokeo haya yasitulaze usingizi kwani dhamira yetu sio kuwa watu wa wastani ( average) Ila ni kufanya vizuri kwa maendeleo ya wananchi wa Same Na Same ya baadaye"

Mhe. Sitaki alimaliza kwa kusema " Same is not same"