Waziri mkuu wa India Narendra Modi
Matokeo ya mapema
katika uchaguzi wa kimaeneo nchini India yanaashiria kwamba chama cha
waziri mkuu wa India Narendra Modi huenda kikaibuka na ushindi mkubwa.
Chama
hicho, BJP, huenda kikaibuka na ushindi mkubwa katika jimbo muhimu la
kisiasa lililo na watu wengii zaidi nchini humo, Uttar Pradesh. Uchaguzi huo unaonekana kama kura ya maoni kwa waziri mkuu Narendra Modi, kutokana na hatua yake tatanishi ya kuondoa noti zilizo na thamani kubwa nchini humo mwezi Novemba.
Ushindi katika jimbo hilo utaimarisha nafasi yake ya kutwaa ushindi mwingine katika uchaguzi wa ubunge mwaka 2019.
Maoni yanaonyesha kuwa BJP pia kinatarajiwa kushinda jimbo la kaskazini la Uttarakhand.
Chama cha upinzani kinaongoza katika majimbo ya Punjab na Manipur.
Bwana Modi amekuwa akiongoza mipango ya uchaguzi na kampeni kali akiahidi kuimarisha uchumi na kukabiliana na ufisadi.
Bwana Modi pia aliunga mkono hatua yake ya kuondoa noti zenye thamani kubwa ikiwa ni asilimia 86 fedha zake kama nji ya kukabiliana na ufisadi.
Kiongozi wa chama cha Samajwadi, Akhilesh Yadav alipinga hatua hiyo na kuwaambia wapiga kura kwamba Modi alichukua fedha kutoka kwa mifuko ya raia na kuumiza biashara katika jimbo hilo.
SHARE
No comments:
Post a Comment