Wanaharakati wapinga jiwe lenye amri 10 za Mungu

Wanaharakati katika jimbo la Arkansas nchini Marekani, wanapinga ujenzi wa jiwe moja kubwa lililo na maandishi ya amri 10 za Mungu, kwenye uwanja wa makao makuu ya bunge la jimbo hilo.

Wanasiasa walipitisha kwa kauli moja ujenzi wa mnara huo wa jiwe lenye urefu wa futi sita, katika eneo la Little Rock mwaka 2015.

 Jiwe la amri kumi za Mungu lililoweka mjini Arkansas Marekani

Muungano wa Haki na Uhuru wa raia Marekani (ACLU), umewasilisha kesi mahakamani kutaka kuondolewa mara moja kwa mnara huo, ukisema unaleta mgawanyiko na unakiuka ahadi ya uhuru wa kidini kwa wote, katika katiba ya Marekani.

Seneta wa Chama Tawala cha Republican, Jayson Rapert, ambaye alikuwa katika mstari wa mbele wa kutaka kuwekwa kwa jiwe hilo , alisema kuwa hatua hiyo inaenda sambamba na msimamo wa mahakama kuu ya Marekani, na hivyo ni jambo zuri kwa jimbo la Arkansas.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post