Wanawake watakiwa kuvalia nadhifu Uganda

Wanawake wakiwa na mabango yenye ujumbe mbalimbali nchini humo

 

Wizara ya utumishi wa umma nchini Uganda imewafahamisha wafanyakazi wa serikali kuvalia nadhifu na kuwaonya wanawake dhidi ya kuonyesha vifua vyao.

Kupitia ilani rasmi, wizara hiyo imesemaa wanawake hawaruhusiwi kuvalia nguo au sketi ambazo zinafika juu ya magoti yao, pamoja na nguo zilizoshonwa kwa kitambaa cha kuonesha mwili ndani.

Wanawake wanaruhusiwa kuvalia suti za long'i, lakini wale walio wafanyakazi wa serikali hawaruhusiwi kuvalia mavazi ya kuwabana.

• Sketi 'fupi' yamzuia kuingia darasani Uganda

• Marufuku nguo za kubana chuoni Lagos

Ilani hiyo inasema kuwa mavazi ya urembo yanastahili kuwa nadhifu na wanawake hawaruhusiwi kupaka nywele zao rangi inayong'aa au kuwa na nywele ya kuongezwa.

Wanaume nao watakiwa kuvalia nadhifu, shati za mikono mirefu, koti na tai, wasivae suruali za kubana, wawe na nywele fupi na safi na wasivae mavazi ya rangi zinazong'aa.

Hata hivyo masharti hayo hayajaonekana kuanza kufuatwa hadi sasa.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post