Watu 40 wauawa kwenye uvamizi wa Boko Haram Nigeria

 Zaidi ya watu 40 wauawa wakati wa mapigano na Boko Haram Nigeria 

Zaidi ya watu 40 wameuawa wakati wa jaribio la kuwaokoa watu waliotekwa na kundi la wanamgambo wa Boko Haram.

Takriban watu watano wa kampuni ya kuchimba mafuta waliuawa, kwa mujibu wa chuo cha Maiduguri. Wanajeshi pia waliuawa wakati wa uvamizi huo.

Idadi hiyo kubwa ya vifo ni pigo kwa serikali ambayo inasisitiza kuwa kundi la Boko Haram limeshindwa.

Takriban watu 20,000 wameuawa na maelfu ya wengine kutekwa tangu Boko Haram ianzishe harakati zake mwaka 2009.

Katika kisa kibaya zaidi Boko Haram waliteka wasichana 276 kutoka shule ya wasichana kaskazini mashariki mwa Nigeria ya Chibok mwaka 2014.

• Boko Haram washambulia tena Nigeria
• Ndege ya jeshi yaua kimakosa watu 50 Nigeria
• Wasichana wa Chibok walibadilishwa na makamanda
• Nigeria ndiyo ya tatu kuathiriwa vibaya na ugaidi duniani

Tangu wakati huo wamewaachili zaidi ya wasichana 100 kubadilishana na wapiganaji.

Taarifa za kina kuhusu kile kilichotokea siku ya Jumanne hazijulikani, huku ripoti za awali kutoka kwa jeshi, zikisema kuwa watu ambao walitekwa waliokuwa ni wakifanya kazia katika chuo cha Maiduguri waliachiliwa,.

Siku ya Jumanne jeshi lilisema kuwa miili ya wanajeshi 9 na raia mmoja ilikuwa imepatikana.

Lakini sasa chuo kikuu kimesema kuwa takriban wafanyakazi watano wakiwemo wasomi wawili na dereva waliuawa wakati msafara wao uliokuwa chini ya ulinzi mkali, ulikuwa ukirejea mjini Maiduguri kaskazini mashariki mwa Nigeria
Wengine kadha hawajulikani waliko.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post