Sunday, August 13, 2017

NI LUKAKU, LUKAKU, LUKAKU

NA K-VIS BLOG/MASHIRIKA YA HABARI

Romelu Lukaku ameonyesha cheche zake baada ya kutupia mawili kati ya mabao manne ambayo Manchester United wameshinda dhidi ya West Ham United wakati wa mchezo wa ufunguzi wa ligi kuu ya Uingereza (VPL) uliopigwa uwanda wa nyumbani Old Trafford.

Lukaku ambaye amesajiliwa na Manchester United kwa kitita cha Pauni za Uingereza Milioni 75 alionyesha kuwa “anatosha” ambapo West Ham, (The Hammers), kama wanavyoitwa ncbini humo, ilionyesha kupwaya kabisa mbele ya Mashetani hao wekundu kutoka jiji la London.

Manchester United walianza kushika usukani mapema ambapo ingizo hilo jipya, Lukaku akitayarishiwa mipira murua na kiungo Nemanja Matic ambaye alionekana kuwa ndio chachu ya mashambulizi ya Manyuuu kila wakati.