Ujerumani "iko huru kuikosoa Uturuki."

 

Mwanadiplomasia mkuu wa Ujerumani ametupilia mbali madai kwamba serikali imekuwa ikiiridhia mno Uturuki kwa ajili ya kutaka kutekelezwa kwa makubaliano tata ya wahamaji kati ya Uturuki na Umoja wa Ulaya.

Katika mahojiano na gazeti la Ujerumani la "Der Spiegel " yaliochapishwa Jumapili (15.05.2016) waziri wa mambo wa Ujerumani Frank- Walter Steinmeier amekanusha kwamba serikali ya Ujerumani imekuwa ikijaribu kuiregezea Uturuki wakati wa kujadiliana nayo masuala magumu kwa kuhofia kuvuruga makubaliano ya wahamiaji kati ya nchi hiyo na Umoja wa Ulaya.

Ameliambia gazeti hilo kwamba "Tuatendelea kuzungumzia matukio yanayokwenda kinyume na inavyostahiki nchini Uturuki,kuhusu vikwazo dhidi ya uhuru wa kujieleza na uhuru wa vyombo vya habari."

Uturuki katika meizi ya hivi karibuni imekuwa ikikabiliwa na shutuma kali kwa kuwachukulia hatua za kisheria waandishi wa habari wenye kuandika habaria za kisiasa kwa mtazamo wa kukosowa serikali na kuwazuwiya waandishi wa habari wa kigeni nchini humo.

Kama sehemu ya makubaliano yake na Umoja wa Ulaya yaliofikiwa mwezi wa Machi serikali ya Uturuki imekuwa ikiwazuwiya watu wanaowasafirisha wakimbizi na wahamiaji kwa magendo kuutumia mwambao wake kuwaingiza katika ardhi ya Umoja wa Ulaya kwenye visiwa vilioko karibu vya Ugiriki.

Mpira uko kwa Uturuki

Steinmeier amesema maslahi ya Uturuki katika makubaliano hayo yasidharauliwe ambayo yataipatia Uturuki zaidi ya euro bilinioni 3 kudhibiti wimbi la wahamiaji na wananchi wa Uturuki kusafiri bila ya viza katika nchi za Umoja wa Ulaya.

Amesema masharti ya Umoja wa Ulaya kwa Uturuki kuregezewa upatikanaji wa visa kwa wananchi wake yanatambuliwa na serikali ya nchi hiyo kwa kuwa yamejadiliwa pamoja na serikali hiyo na kuongeza kuwa "mpira sasa uko upande wa Ututuki".(P.T)

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post