Sudan Kusini yakanusha kuwepo kwa mapigano mapya jijini Juba

Makamu wa kwanza wa rais wa Sudan Kusini Thaban Deng Gai (Kushoto) akisalimiana na rais Uhuru Kenyatta (Kulia) katika Ikulu ya rais jijini Nairobi Agosti 16 2016

Makamu wa kwanza wa rais wa Sudan Kusini Thaban Deng Gai ambaye amekuwa ziarani nchini Kenya, amekanusha ripoti za kuwepo kwa mapigano ya mara kwa mara jijini Juba au karibu na jiji hilo.

Gai ambaye aliteuliwa na rais Salva Kiir mwezi uliopita kuchukua nafasi ya Riek Machar, ameongeza kuwa mapigano ambayo yamekuwa yakiendelea katika jimbo la Upper Nile na mji wa Wau yamesitishwa na kuna amani kwa sasa.

Hata hivyo, amesema kama kuna mapigano yoyote, yanaendelea katika katika jimbo la Equitorial Magharibi karibu na mpaka wa Jamhuri ya Kidemokrasia ya Congo, lakini kwa kiasi kikubwa nchi hiyo ina amani.

Makamu huyo wa kwanza wa rais, alikutana na rais Uhuru Kenyatta siku ya Jumanne, kujadiliana na kuhusu hatua iliyopigwa baada ya mazungumzo ya viongozi wa Afrika Mashariki IGAD kuhusu hali ya usalama nchini humo.

Ujumbe wa Sudan Kusini na rais wa Kenya Uhuru Kenyatta katika Ikulu ya Nairobi Agosti tarehe 16 2016

Ni ziara iliyokuja baada ya Sudan Kusini kukubali azimio la Umoja wa Mataifa la kutuma kikosi cha wanajeshi 4,000 kutoka Kenya, Ethiopia na Rwanda kulinda amani na kuzuia mapigano jijini Juba, baada ya machafuko mpya kuzuka mwezi uliopita.

Gai ambaye alikuwa mshirika wa karibu wa Riek Machar, aliongoza ujumbe wa waasi kufanikisha mazungumzo ya amani mwaka uliopita, amesisitiza kuwa alikubali nafasi hiyo kwa sababu wanasiasa wa upinzani wanahitaji amani ya kudumu.

Machar, ambaye hajulikana alipo baada ya kuondoka Juba mwezi uliopita, amepinga kuteuliwa kwa Gai na kusema yeye ndiye Makamu wa kwanza wa rais na rais Kiiir hana mamlaka ya kumteua.RFI

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post