Mataifa yanayozalisha maparachihi kwa wingi zaidi duniani

1. Mexico
2. Jamhuri ya Dominika
3. Colombia
4. Peru
5. Indonesia

Wakati hali ikiwa hivyo, wanaume watatu katika jimbo la California nchini Marekani wamekamatwa na kuzuiliwa, wakituhumiwa kuiba maparachichi ya thamani ya $300,000 (£234,770) .

Kuongezeka kwa hitaji la matunda hayo duniani mwezi Mei kulisababisha bei ya maparachichi kupanda sana.

Polisi wanasema hilo huenda liliwafanya wanaume hao kushawishika kuiba matunda hayo kutoka kwa kampuni ya matunda ya Oxnard walipokuwa wanafanya kazi.


Afisi ya liwali wa wilaya ya Ventura imesema Carlos Chavez, Rahim Leblanc, na Joseph Valenzuela walikamatwa Jumatano.

Walikuwa wamefanya kazi katika Mission Produce, moja ya kampuni zinazoongoza duniani kwa usambazaji wa maparachichi, kwa miaka kadha.

• Sababu ya ndizi kugeuka rangi na kuivisha matunda mengine
• Matunda na mboga hupunguza hatari ya ugonjwa wa moyo

Polisi wanaamini watatu hao wamekuwa wakiiba matunda hayo, kwa miezi kadha, na kuwauzia wateja ambao hawakuwa na ufahamu kwamba yalikuwa ya wizi.

Rais wa kampuni hiyo, Steve Barnard, anasema sanduku moja ya maparachichi kawaida huuzwa $50, lakini wanaume hao walikuwa wanauza nusu ya bei hiyo.

"Hitaji la matunda hayo limeongezeka. Kila mtu anapenda maparachichi," Sajenti John Franchi wa ofisi ya liwali aliambia gazeti la LA Times.
"Tunachukulia visa kama hivi vya wizi kwa uzito sana. Ni zao muhimu sana hapa na California."

CHANZO: BBC

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post