Everton washinda mechi ya kufuzu Europa League

Everton wamejiweka katika nafasi nzuri hatua ya makundi kufuzu kwa kombe la ligi ndogo ya klabu Ulaya, Europa League.

Wamewabamiza Hajduk Split bao mbili kwa bila ijapokuwa mechi ililazimika kusimama kwa dakika kadhaa kutokana na vurugu za mashabiki. Katika dakika ya 33 ya mchezo, mashabiki wa Hajduk walisogea uwanjani na kurusha vitu. 

Meneja wa Everton Ronald Koeman amesema amesikitishwa na tukio hilo ingawa hakujua ni nini kimetokea.

 Michael Keane

Dakika tatu kabla ya vurugu kutokea Michael Keane alikuwa amewachapa bao la kwanza, na mara baada ya kutuliza vurugu zao Idrissa Gueye akawachapa la pili dakika ya 45. 

Katika mechi nyingine, Ajax wamekutana na changamoto baada ya kubamizwa goli moja bila na Rosenborg kutoka Norway. 

Mwezi May Ajax walipigwa na Manchester United kisha wakampoteza meneja wao Peter Bosz aliyetimkia Borussia Dortmund na pia Captain wao Klaassen akenda zake Everton.

CHANZO: BBC

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post