Korea Kaskazini yaionya Marekani

Msukosuko unaendelea wakati Korea Kaskazini inaendelea na majaribio ya makombora 

Korea Kaskazini imeapa kulipiza kisasi na kuhakikisha kuwa Marekani imelipia gharama, kwa kubuni vikwazo vya Umoja wa Mataiafa kufuatia na mpango wake wa silaha za nuklia.

• Nyambizi ya Marekani yawasili Korea
• Ndege za kivita za Marekani zapaa Korea

Vikwazo hivyo vilivyoungwa mkono kwa kura nyingi na Umoja wa Mataifa siku ya Jumamosi "ni ukiukaji ya uhuru wa nchi," shirika la serikali la habari la Korea Kaskazini KCNA lilisema.

Kwa upande mwingine Korea Kusini inasema kuwa Korea Kaskazini imekataa ombi la kutaka wafanye mazungumzo.
Vikwazo hivyo vililenga kuzuia mauzo ya bidhaa za Korea Kaskazini kwa theluthi moja.

• Marekani yaitaka China kuikanya Korea Kaskazini
• Marekani yatishia kuiadhibu Korea Kaskazini

Vikwazo hivyo vya Umoja wa Mataifa vilifuatia majaribio ya mara kwa mara ya makombora yanayofanywa na Marekani, hali ambayo imeuzua wasi wasi kwenye rasi Korea.

Leo Jumatatu Korea Kaskazini ilisema kuwa itaendelea na mpango wake wenye utata wa kuunda zana za nuklia.

• China yataka Marekani na Korea Kaskazini kuvumiliana

Kupitia kituo cha habari cha serikali cha KCNA, Korea Kaskazini ilisema kuwa haiwezi kuachana na mpango wake wakati inakabiliwa na vitisho kutoka Marekani.

CHANZO: BBC

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post