Na Agness Moshi – MAELEZO.
Waendesha
michezo ya kubahatisha na wadau waliokua wakilipa kodi kwenye Bodi ya
Michezo Tanzania (Gaming board of Tanzania) wametakiwa kulipia kodi na
mawasilisho ya makusanyo yao kwa kamishna wa kodi za ndani wa Mamlaka
ya Mapato Tanzania (TRA).
Taarifa
iliyotolewa na Kamishna wa Kodi za Ndani, Elijah Mwandumbya imesema
kuwa kufuatia mabadiliko ya Sheria ya Fedha namba 4 ya mwaka 2017
yaliyofanywa na Bunge la Jamhuri ya Muungano wa Tanzania kwenye Sheria
ya Michezo ya kubahatisha sura namba 166, TRA imepewa jukumu la
kukadiria,kukusanya na kuhasibu kodi kwenye michezo hiyo kuanzia Julai
1, mwaka huu.
Katika
kutekeleza majukumu hayo taarifa hiyo imeeleza kuwa, wadau pamoja na
waendesha michezo hiyo wana wajibu wa kuwasilisha makusanyo yao pamoja
na kulipa kodi stahiki kwa kamishna wa kodi za ndani wa mamlaka hiyo
kwa muda uliowekwa kisheria ili kuchangia utekelezaji wa malengo ya
maendeleo ya taifa.
Aidha
, taarifa hiyo imewataka walipaji kodi hao kuzingatia mambo mbalimbali
ikiwa ni pamoja na kusajili biashara hiyo ili kupatiwa namba ya
mlipakodi (TIN) kwa wasiosajiliwa,kuwasilisha makusanyo ya kodi ya
michezo hiyo na kulipia kodi hizo kwa kuzingatia viwango vilivyoainishwa
kwenye Sheria ya michezo ya kubahatisha.
Walipa
kodi wametakiwa kutumia namba za utambulisho wa michezo hiyo ‘GFS
CODE’ pindi wafanyapo malipo na kuwasilisha makusanyo yao kwenye ofisi
walizofanyia usajili.
“Kwa
waendesha biashara hiyo walioko jijini Dar es Salaam ambao walipata
namba za utambulisho kwenye mikoa ya kikodi ya Ilala, Kinondoni na
Temeke wanatakiwa kuwasilisha makusanyo yao kwenye ofisi ya TRA
iliyopo Mtaa wa Lumumba, wilaya ya Ilala ghorofa ya tatu summit Tower.
Kwa waliopo mikoa mingine watahudumiwa kwenye mikoa ya kodi walikopatia
utambulisho wa mlipakodi”,ilifafanua taarifa hiyo.
Naye
Mkurugenzi wa Idara ya Elimu kwa Mlipa Kodi, Richard Kayombo amesema
kuwa kodi hiyo kwa waendeshaji michezo ya kubahatisha sio kitu kipya ila
kilichobadilika ni mahali pa kulipia.
“Mabadiliko
haya yanatokana na marekebisho ya Sheria ya michezo ya kubahatisha sura
namba 166 yaliyofanywa na Bunge la Jamhuri ya Muungano wa Tanzania kwa
sheria ya fedha namba 4 ya mwaka 2017” amesema Kayombo.
Hata
hivyo, Mamlaka ya mapato Tanzania imetoa wito kwa walipakodi wote
kulipa kodi na kuwakilisha makusanyo yao kwa wakati ili kujiepusha na
adhabu na gharama zisizo za lazima zitakazotokana kutokulipa kodi kwa
wakati.
SHARE
No comments:
Post a Comment