Timu ya Manchester United
imeshindwa kutetea Kombe lake la FA CUP baada ya kukumbana na kipigo cha
goli 1-0 dhidi ya Chelsea hatua ya Robo Fainali mchezo uliopigwa kwenye
uwanja wa Stamford Bridge.
Hadi Mapumziko hakuna timu
iliyokuwa inaongoza kwaani zote zilitoka nguvu sawa kutokana na staili
ya mchezo huku Man United ikiwakosa washambuliaji wake muhimu akiwemo
Wayne Rooney na Zlatan Ibrahimovic anayetumikia adhabu ya kukosa Mechi
tatu aliyepewa na chama cha Mpira cha Uingereza FA kwa utovu wa nidhamu.
Kipindi cha pili Chelsea waliingia
kwa staili nyingine na mnamo dakika ya 51 kiungo mkabaji aliyetokea
katika Mabingwa watetezi Leicester City N’golo Kante alipiga shuti nje
ya 18 baada ya kazi nzuri ya William na kuiandikia Chelsea bao la
ushindi na kuipeleka Nusu fainali ya kombe la FA.
Kwa Matokeo hayo Chelsea wametinga
Nusu Fainali ya FA CUP huku wakiungana na vigogo wengine ambao wapo top
Four Man City,Arsenal na Tottenham na zinatarajia kukutana kwenye
uwanja wa Wembley
SHARE
No comments:
Post a Comment