Marekani yahatarisha uhsiano wake na Uturuki

Waziri mkuu wa Uturuki Binali Yildrim amesema Marekani itahatarisha uhusiano wake na Uturuki ambayo ni mwanachama wa jumuiya ya kujihami ya NATO, iwapo wapiganaji wa Kikurdi watajumuishwa katika mapambano ya kuukomboa mji wa Raqqa. Mji huo ni ngome ya kundi linalojiita Dola la Kiislamu, IS. Uturuki na Marekani zinavutana juu ya mpango wa Marekani wa kuukomboa mji wa Raqqa huku Uturuki ikipendekeza kuwa majeshi yake pamoja na washirika wake wa nchini Syria wanatosha kukabiliana na magaidi wanaojiita Dola la Kiislamu katika operesheni hiyo. Yildrim amesema nchi yake haitashiriki katika operesheni yoyote ambayo itawajumuisha wapiganaji wa Kikurdi. Waziri mkuu wa Uturuki aliwaelezea waandishi wa shirika la habari la AP pembezoni mwa mkutano na waandishi wa habari wa nchi za kigeni, kwamba iwapo Marekani itayapendelea makundi ya kigaidi kuliko Uturuki katika mapambano dhidi ya IS, basi huo utakuwa ni uamuzi wa Marekani peke yake na kwamba Uturuki haitokubaliana nao.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post