ABIJAN, Cote d’Ivore
SERIKALI za Afrika zimehimizwa kuweka kipaumbele
katika sekta ya kilimo ili kuharakisha maendeleo ya eneo hilo.
Pia imeelezwa kuwa ili kufanikisha suala hilo ni
jambo jema kwa viongozi kujikita katika sekta hiyo ili kuleta mabadiliko
chanya.
Hayo yalisemwa mjini Cote d’Ivoire wakati wa mkutano
wa Baraza la Mabadiliko ya Kijani maarufu kama Green Revolution Forum (AGRF).
Akizungumza katika mkutano huo, Waziri wa Kilimo na
Maendeleo Vijijini, Mamadou Sangafowa Coulibaly, alitaka nchi kuendelea kutimiza
maazimio waliyojiwekea kuhusu sekta ya kilimo ya ziweze kupiga hatua
kimaendeleo.
"Miaka
mitano ya uwekezaji mkubwa umefanyika kupitia Mpango wa Taifa wa Kilimo cha
Uwekezaji. Mpango huu umewezesha nchi kusaidia wakulima na kuleta mabadiliko
makubwa ya kiuchumi hapa hapa Côte d'Ivoire.
“Mpango
wa kwanza ulilenga kusaidia uzalishaji sekta ya kilimo ambapo tani milioni 17
zilipatikana mwaka 2015 ukilinganisha na tani 11,886 mwaka 2012.
“Tunapenda
kuona jitihada hizi zinatambuliwa na jumuia ya kimataifa. Tunaamini awamu ya
pili ya mpango huo utajikita katika masuala ya rasilimali maji, afya, umeme na
elimu…hii itasaidia wakulima kuondokana na umaskini na kurutubisha uchumi
wetu,”alisisitiza.
Aliongeza
kuwa,” Côte d'Ivoire imedhamiria kwa moyo mmoja kuendeleza sekta ya kilimo
kwani mchango wake ni mkubwa kwa nchi yetu,”.
Akizungumza
katika mkutano huo mjini Abidjan, Rais wa AGRA, Agnes Kalibata, alisema:
“Kilimo
ndiyo tegemeo kubwa kwa maendeleo ya nchi za Afrika katika kukuza uchumi”.
AGRF
ni taasisi ambayo imedhamiria kuwekeza katika sekta ya kilimo ili kuleta
mabadiliko chanya.
Washirika
wake ni pamoja na Umoja wa Afrika (AU), Benki ya Maendeleo Afrika (AfDB) na
taasisi nyingine nyingi.
SHARE
No comments:
Post a Comment