‘Coca-Cola Bila Sukari’ yazinduliwa katika soko Tanzania

 

Taarifa kwa vyombo vya habari

Kampuni ya Coca-Cola leo imezindua katika soko la Tanzania soda mpya  ya Coca-Cola Bila Sukari.   

Uzinduzi wa soda hii mpya umefanyika katika kiwanda cha Bonite mkoani Kilimanjaro ambapo pia baadaye utafanyika katika mikoa ya Mwanza,Dar es Salaam na Mbeya.

Soda mpya ya ‘Coca-Cola Bila Sukari ladha yake imeboreshwa zaidi kutokana na soda  isiyo na sukari iliyokuwa inatengenezwa hapo awali ya Coca-Cola Zero ambapo soda mpya  ladha yake inashabihiana na soda ya Coca-Cola asilia lakini haina sukari kabisa.

Tangia mwaka 2006 wakati soda ya Coke Zero imeingia kwenye masoko, kampuni ya Coca-Cola imekuwa ikifanya jitihada kuhakikisha inatengeneza soda mpya ya Coca-Cola isiyo na sukari lakini yenye ladha sambamba na Coca-Cola asilia na imefanikiwa kuja na soda mpya ya ‘Coca-Cola Bila Sukari ‘  kinywaji ambacho kitawezesha watumiaji wa Coca Cola kuipata kwa ladha asilia  hata kama watachagua kuipata isiyotengenezwa kwa sukari.

"Soda ya ‘Coca Cola Zero’ ina ladha nzuri pia,lakini pamoja na ubora wake timu ya Coca-Cola imekuwa ikifanyia kazi kuhakikisha  inapatikana soda isiyo na sukari lakini yenye ladha inayoshabiana na Coca-Cola asilia . Ubunifu wa wataalamu wetu umewezesha kupatikana soda mpya ya  ‘Coca Cola Bila Sukari’ ambayo inatoa wigo kwa wateja kuwa na chaguo la kupata kinywaji cha Coca-Cola kwa radha asilia kwa  kadri wanavyotaka,ikiwa na ladha ya sukari ama isiyo na sukari," alisema Mkurugenzi wa  Mauzo na Masoko wa Bonite bottlers,Christopher Loiruk

Aliongeza kuwa lengo kubwa ni kuhakikisha watumiaji wa soda ya Coca-Cola wanafurahia ladha yake halisi na asilia wanapokunywa soda yenye sukari au Coca-Cola Bila Sukari.

Soda mpya ya Coca-Cola Bila Sukari  itakuwa kwenye mwonekano mpya ambapo vifungashio vyake vya chupa na kopo vinafanana na vifungashio vya  Coca-Cola asilia na maandishi  yake yametenganishwa na mstari  wenye rangi nyekundu.

Soda za Coca Cola Bila Sukari  zitakuwa kwenye soko la Tanzania kuanzia mwezi huu katika  sehemu zote zinapouzwa soda na bei yake ni sawa na  soda aina nyingine zote zinazotengenezwa na kusambazwa na kampuni ya Coca-Cola. 

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post