Trump ''alitaka FBI kusitisha uchunguzi wa Flynn''

Rais Donald Trump alimtaka aliyekuwa mkurugenzi wa shirika la FBI James Comey kusitisha uchunguzi uliokuwa ukiendelea dhidi ya aliyekuwa mshauri wa maswala ya usalama Michael Flynn.

''Natumai utawachana na haya'', bwana Trump aliripotiwa akimwambia Bwana Comey baada ya mkutano katika Ikulu ya Whitehouse mnamo mwezi Februari kulingana na bahrua ilioandikwa na James Comey.

              James Comey na Rais Trump


Barua hiyo iliandikwa mara moja baada ya mkutano, siku moja baada ya Michael Flynn kujiuzulu kulingana na vyombo vya habari vya Marekani.
Ikulu ya Whitehouse imekana ripoti hiyo katika taarifa.

• Michael Flynn kuchunguzwa?
• Maseneta wataka Michael Flynn ahojiwe
• Obama alimuonya Trump kuhusu Flynn

''Rais Trump hajamtaka bwana Comey ama mtu yeyote kusitisha uchunguzi ikiwemo uchunguzi wowote unaohusiana na jenerali Flynn'', ilisema.
Bwana Flynn alilazimika kujiuzulu mnamo mwezi Februari baada ya kumdanganya makamu wa rais kuhusu mazungumzo yake na balozi wa Urusi kabla ya Trump kuchukua mamlaka.

Image caption Aliyekuwa mshauri wa maswala ya kiusalama katika utawala wa rais Trump Michael Flynn

Mgogoro huo wa hivi karibuni kuhusu Urusi ulioripotiwa mara ya kwanza na gazeti la The New York Times unajiri wiki moja baada ya bwana Trump kumfuta kazi Comey kuhusu alivyofanya uchunguzi wa utumizi wa barua pepe za kibinfsi uliotekelezwa na bi Hillary Clinton akiwa waziri. 

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post