Theresa May kubadili sheria ya kupambana na ugaidi

Waziri mkuu wa Uingereza, Theresa May, amesema yuko tayari kubadilisha sheria yoyote ya haki za binadamu ambayo inazuia polisi na vikosi vya usalama kupambana ipasavyo na tishio la ugaidi. 

Wahusika katika chama chake cha Conservative wameashiria kwamba iwapo May atachaguliwa tena, serikali yake itakuwa tayari kujitoa katika sheria za jumuia ya ulaya za kutetea haki za binadamu.

Katika moja wapo ya hotuba zake za mwisho za kampeni, May amesema anataka kurahisisha kuzuia uhuru wa magaidi na kuwarudisha katika nchi zao za asili.

Kauli yake hiyo inafuatia shambulio la hivi majuzi lililofanyika jijini London na kuuwa watu kadhaa.

 Waziri mkuu wa Uingereza, Theresa May 

Wakati huo huo, Waziri wa Mambo ya Nje wa Australia, Julie Bishop, amethibitisha kwamba raia wa pili kutoka Australia ni miongoni mwa watu saba waliouawa katika shambulio la Jumamosi.

• Picha za aliyefanya shambulizi Manchester zatolewa
• Polisi Uingereza yamkamata mtu wa kumi
• Idara ya Usalama nchini Uingereza MI-5 kujichunguza

Vyombo vya habari vya nchi hiyo vinasema raia huyo ni Sara Zelenak, ambaye waziri mkuu amesema siku ya Jumanne kwamba ana wasiwasi.
Raia wawili wa Ufaransa na mmoja kutoka Canada pia inaaminika kuwa miongoni mwa waliouawa.
Mjomba wa mmoja kati ya washambuliaji mwenye asili ya Pakistan ameiambia BBC kwamba analaani shambulio hilo na kwamba yuko pamoja na wanaoomboleza mauaji hayo.

CHANZO: BBC

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post