HALIMA MDEE AWASILISHA PINGAMIZI KORTINI KESI YA UCHOCHEZI

Mbunge wa Kawe, Halima Mdee.

Mbunge wa Kawe, Halima Mdee kupitia kwa Mawakili wake amewasilisha pingamizi la awali katika Mahakama ya Hakimu Mkazi Kisutu, kuwa Mahakama hiyo haina mamlaka ya kusikiliza kesi yake ya kumtolea lugha chafu Rais Magufuli.

Mawakili watano wa Halima Mdee, wakiongozwa na Hekima Mwesigwa wamewasilisha pingamizi hilo mbele ya Hakimu Mkazi Mkuu, Godfrey Mwambapa baada ya Wakili wa Serikali Leonard Chalo kudai shauri hilo limekuja kwa ajili ya kitajwa.

Mwesigwa amedai kuwa wana mapingamizi mawili, kwanza hati ya mashtaka ina mapungufu, pia Mahakama hiyo haina mamlaka akisema kuwa Mahakama hiyo haina mamlaka kwa sababu, Mkuu wa Wilaya aliyetoa amri ya kukamatwa kwa Mdee ameshindwa kufuata matakwa ya kisheria.

Baada ya kueleza hayo kesi hiyo imeahirishwa hadi September 12, 2017.

Mnamo Julai 10, 2017, akisoma shtaka hilo, Wakili wa Serikali, Nassoro Katuga mbele ya Hakimu Mkazi Victoria Nongwa alisema mtuhumiwa alitenda kosa hilo mnamo Julai 3, 2017 ambapo Mdee anadaiwa kutoa lugha ya matusi na ya uchochezi huku akitoa kauli ya kwamba rais ‘afungwe breki’.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post