MAMA SALMA RASMI MJENGONI, MUMEWE AMSHANGAZA SPIKA NDUGAI

 

 Mama Salma Kikwete, mke wa Rais mstaafu wa awamu ya nne, Dkt. Jakaya Kikwete, amekula kiapo cha uaminifu mbele ya bunge la Jamhuri ya Muungano wa Tanzania, leo Aprili 4, 2017. Mama Salma aliteuliwa hivim karibuni na Rais wa Jamhuri ya Muungano wa Tanzania, Dkt. John Pombe Magufuli, kuwa Mbunge katika nafasi 10 za Rais za kuteua wabunge. Katika tukio lingine, mumewe, Dkt. Jakaya Kikwete, amemshangaza Spika wa Bunge Mhe. Job Ndugai, baada ya kushangiliwa kwa nguvu na wabunge, pale alipomtambulisha mbele yao. "Katika vipindi vyangu vinne kama mbunge sijawahi kuona mtu akishangiliwam namna hii". Hayo yalikuwa maneno yaSpika Ndugai, ambaye baada ya kuona nderemo, vifijo na bashasha zimezidi, alitoa rukhsa kwa wabunge kuonyesha ushangiliaji wa "kujiachia" aliwaruhusu kusimama ili kuonyesha heshima kwa kiongozihuyo mstaafu ambaye alifuatana na mmoja wa watoto wake wa kiume Ally Kikwete. Pichani mama Salma akiwasili kwenye viwanja vya bunge mjini Dodoma leo. (PICHA NA RAYMOND MUSHUMBUSI WA MAELEZO)

 Mama Salma akisindikizwa na wabunge wanawake kuelekea mbeleya bunge kula kiapo

 Mama Salma akila kiapo mbele ya Spika wa Bunge Mhe. Job Ndugai

 Mhe. Job Ndugai akimtambulisha Rais Mstaafu Kikwete kwa wabunge

 Rais mstaafu Dkt. Jakaya Kikwete, 9katikati), akiwa na mwanaye wa kiume Ally Kikwete, (kushoto) na msaidizi wake, bungeni mjini Dodoma leo Aprili 4, 2017

 Dkt. Kikwete, akiongozwa na Katibu Myeka wa Spika wa Bunge, Bw. Said Yakubu, (kushoto)

Dkt. Kikwdete na mwanaye Ally, (kulia), wakiongozwa na Katibu Myeka wa Spika, Bw. Said Yakubu kuelekea ukumbini Bungeni

Waziri wa Nchi Ofisi ya Rais Utumishi na Utawala Bora Mhe. Angella Kairuki akijibu hoja mbalimbali za wabunge katika kikao cha kwanza cha Mkutano wa saba wa Bunge la 11 Mjini Dodoma.

Waziri wa Afya Maendeleo ya Jamii Jinsi Wazee na Watoto Mhe. Ummy Mwalimu akijibu hoja mbalimbali za wabunge katika kikao cha kwanza cha Mkutano wa saba wa Bunge la 11 Mjini Dodoma.

Mke wa Waziri Mkuu Mstaafu Mizengo Pinda Mama Tunu Pinda akisalimia wabunge mara baada ya kutambulishwa kati ya wageni wa Spika leo Bungeni Mjini Dodoma kushoto ni Mke wa Katibu Mkuu Wizara ya Habari Utamaduni Sanaa na Michezo Mama Devotha Gabriel.

Waziri wa Nchi Ofisi ya Waziri Mkuu Sera Bunge Kazi Ajira na Watu wenye Ulemevu Mhe. Jenista Mhagama akitengua kifungu cha Bunge kwa kuomba Bunge kuendesha shughuli zake siku ya Jumamosi na siku za kazi kuendelea kwa awamu ya pili  saa kumi jioni badala ya saa kumi na moja jioni.

Author: Unknown

SHARE

• Share
• Tweet
• Share
• Pin
• Share

«

Next

Newer Post

»

Previous

Older Post